「The Base・The Origin・The Pure Connection」
一句簡而精嘅句子，總結咗 Radix Coffee創辦人Issac對品牌苦心經營嘅香港精神。

⁣

「生於斯 長於斯」⁣
2020係全球營商環境充滿挑戰嘅一年，同時亦都係Issac隻身奮戰本地精品咖啡市場嘅第三個年頭。Radix係指數字系統中嘅基數，但點解Issac決定用風馬牛不相及嘅概念做品牌名稱呢？ 其實，一切源於上年11月，令不少香港人刻骨銘心嘅社會事件－「理大保衛戰」⁣。當時，身處台灣嘅 Issac，透過當地媒體所轉播有關理大現場嘅新聞，一岸之隔但無能為力。每次回想當時對社會嘅無助感，令佢開始萌生堅守本土文化嘅念頭。作為土生土長嘅香港人，佢盼望令投身12年嘅專業咖啡領域變得唔一樣。⁣Issac深信喝一杯高品質嘅咖啡好重要，但要掌握咖啡嘅基本知識亦都好重要。所以，佢將咖啡培訓工作視為重心業務，想多啲鐘情咖啡文化嘅香港人好似「基數」咁，可以由「零」開始學習咖啡嘅藝術。

⁣

「精品咖啡的美學 」⁣
「精品咖啡重視咖啡品質，而咖啡豆嘅味道係取決於炒豆（咖啡豆）嘅手藝。」精品咖啡嘅概念係喺1974年由美國提倡，而近年亦都有唔少本地咖啡店以此為賣點，逐漸令香港人擺脫即沖咖啡同「連鎖咖啡店」陳腔濫調嘅味道。Radix Coffee 嘅創辦人Issac 投身咖啡行業12年，基本上有超過一半嘅時間專注喺咖啡豆烘焙。佢形容生豆（未經烘焙嘅咖啡豆）就好似普通食材一樣。一字記之曰：「鮮」。⁣以最近喺 meMall上架嘅精品咖啡包為例，Issac就建議最佳嚐味日期係7至10日，務求令咖啡保持品質，又確保到咖啡嘅獨有滋味得以保存。有別於普通即沖咖啡粉同掛耳式咖啡包，Radix Coffee嘅精品咖啡包刻意選用咖啡過濾度較高嘅日本茶袋，只需將咖啡包放喺半杯約90°C嘅熱水，然後上下拉咖啡包大約15次，再喺杯入邊注滿熱水，用杯蓋焗多4分鐘，最後搞拌就可以喝喇！由於Radix Coffee現時仲未有實體店，但Issac都好想直接同顧客傳達自己對咖啡嘅熱情同堅持。所以，他決定喺包裝設計入手，縱使面對成本控制問題，但係Radix Coffee整個包裝由紙材到印刷都堅持「香港製造」，包裝盒亦都用霓虹線條勾劃出維港兩岸嘅美景，希望顧客享用精品咖啡時，繼續支持本土製作！⁣

⁣

「小店的生存之道」⁣
為咗令自己嘅咖啡可以面向大眾市場，Issac今年決定開設自己嘅實體教室，希望定期舉行咖啡主題分享同工作坊，盡自己嘅力量推廣香港嘅咖啡文化，俾更多鐘情精品咖啡嘅香港人尋覓自己嘅「My Cup of Coffee」。

⁣

今年Radix Coffee喺云云眾多嘅網上平台入面，選擇咗同自己營運理念相似嘅 meMall合作，將3款全新嘅精品咖啡包放喺我哋到寄賣，包括：⁣
1. 日曬巴西 (Capricornio Dulce)
2️. 水洗埃塞俄比亞 (Guji Shakiso)
3️. 蜜處理埃塞俄比亞 (Guji Shakiso)

Issac一直都主動聆聽顧客嘅意見，佢依加仲全力研發緊幾款新咖啡。如果你都想細嚐Issac嘅本土咖啡滋味，就不容錯過Radix Coffee嘅最新動向喇！

⁣ 品嚐一杯香港人嘅精品咖啡：⁣Radix Coffee