「新一代嘅獅子山精神，經過2019年茫茫的圍城，逐漸同上一輩成日掛於唇邊嘅概念變得唔一樣。」⁣

⁣

Kim 係本土生活品牌 HONGKONGER 嘅創辦人之一，佢同相識多年嘅中學同學喺2019 年決定毅然創立品牌。由昔日朝夕共對嘅好同窗，再昇華至創業嘅好伙伴，支撐佢哋走過每步路嘅係永不動搖嘅品牌信念－「香港人精神」。

⁣

香港好兒女
⁣ Kim 同創業伙伴係喺香港美好嘅年代一齊大，一齊經歷2019嘅「醒覺之年」後，香港人嘅身分對佢哋更加有特殊意義，於是決定創立屬於香港人嘅生活品牌，並喺Logo設計上向顧客傳遞品牌嘅意境－將香港地標「獅子山」融合至品牌名稱「HONGKONGER」，盼望以生活必備之Tee為品牌打頭陣，象徵將香港人嘅驕傲同温暖著上身，亦時刻提醒大家毋忘初心！「HONGKONGER係香港人嘅品牌，我們希望可以由自己做起，確切咁為香港『做啲實事』。」HONGKONGER視每個香港人為共同體，希望可以喺十年後為現今社會所默默付出嘅人，喺這個崎嶇不平嘅小山坡上開僻多一條生活出路，並讓HONGKONGER嘅品牌精神可以薪火相傳。

⁣

社運與創業。踏上同樣的孤單之路⁣
HONGKONGER 創立至今八個月，回想創業初期，Kim 同朋友需要面對最大嘅挑戰係原料採購。眾所周知，中國係世界工廠，全球有唔少嘅生產工序都選擇喺人力成本低廉嘅中國進行。雖然係咁，但係HONGKONGER都唔想同中國有生意來往，所以選擇喺香港進行生產，更促成同本土生產業合作嘅大好機會。Kim形容自己喺品牌成立初期係「自閉式經營」，而某個披星戴月嘅晚上，佢為自己微小嘅力量感到力不從心。「你唔可以樣樣嘢都自己一個人面對，應該學吓多啲同人趟開心窗，多啲認識同路人，條路先會走得更廣更闊。」當Kim聽完一位佢尊敬嘅朋友嘅建議，最終認識到理念相近嘅網上優質生活百貨平台－meMall，並有幸成為眾多加盟伙伴之一，令創業旅程變得不再孤單。

⁣

讓香港人的態度融入生活
⁣ 「HONGKONGER期望融入香港人嘅生活態度於品牌之中，並提醒大家無論時光點樣飛逝、每天嘅工作有幾忙碌、生活碰上幾多高山低谷，香港人都要時刻銘記初心。」⁣Kim深信產品「一買一賣」嘅過程中，客人所得到嘅唔只係一件心儀嘅產品，而是傳遞品牌信念嘅關鍵過程。因為佢哋選擇著上嘅唔只係一件Tee，而係秉承著香港人嘅信念，同埋對香港人身份嘅一種執念。如果「沒賣沒買」都唔緊要，至少亦都可以成為其他人認識HONGKONGER品牌使命嘅起點。⁣

⁣

如果你對 HONGKONGER 嘅品牌故事深感共鳴，下次有機會去市集行下，不妨花5分鐘時間好好了解佢哋「做實事」嘅精神喇！

⁣

即刻買一件屬於香港人嘅Tee：HONGKONGER